釣魚翁郊遊徑

這陣子天氣忽冷忽回南，心情都是低低的，方生方太想行山，約我和D哥和蟹姐一齊行山。天公不做美，星期天落著密密的雨，但我們堅持出發。同行當然不少得兩個寶貝George和Tess啦。今日行程由五塊田出發，我地一架車泊在終點站（清水灣鄉村俱樂部門口免費停車位，另一部泊在起點五塊田錶位停車場（真係唔明政府點諗野，行得山又如何2小時入一次錶呢？）全程6.6公里，攀過2座山，上上落落，正常是3小時行完，但天雨關係，方生方太又著錯鞋，所以我們最後用了4小時才完成。

 

出發嘞，大家都精神抖抖的

George: 落雨行山呀？我想係屋企抖下喎

 

Tess: 濕哂唔靚女架，點解。。。。你地有雨褸，我冇 🐶🐶

開始時，雨勢不弱，地面非常滑，大家都小心翼翼，慢慢行走。老實說，穿波鞋行山真的頗危險，我以往也以為穿對AIR MAX行山會舒服D，試過幾次“乃”野之後，今次穿了新買的行山鞋，VIBRAM鞋底加GOTEX防水面料，真係十級舒服，好‘食’地，唔‘扇’，尤其落住雨，一路行一路暗讚自已投資正確。

天雨路滑，落山難過上山呀

D 哥由頭帶碩帶到落尾，好多時如果唔係佢中途等下我地，往往都見唔到佢尾燈。梗係啦，上當年佢後生時行毅行者，30＋小時行完100公里 。

George: 你們行得甘慢架，我坐係度等你地好耐嘞

估唔到都仲有D睇頭，下圖是山上望下去的大清，馬上又影多張合照先

所謂天堂和地獄都是一線之隔，看看左邊是堆填區，右邊是大清

落完山又要上另一個山頂，見到個頂，攀過去，落返去就到架嘞

攀過個山，就見到清水灣鄉村俱樂部，終點在望，LOOK落去就到嘞

終於到了食飯時間嘞，好少係西貢市食海鮮，通常都一頸血兼煮得唔多好，在布袋澳起碼都不會流血不止及煮得好食D。8餸1湯，瞬間KO

今日時間又差唔多，下次再會，多謝收看。

我的2016旅遊概覽

為明年退休環遊世界做準備，今年培養定旅遊的心情及去些warm up之旅，今年都仲係有收入，明天就是靠利息生活，所以以前沒有理會什麼積分計劃，優惠等，現在都開始部住，格價，比較過才訂。

曾經寫了5年Yahoo Blog，佢摺埋之後都沒有真正再寫返，一來找不到一個比較好的寫BLOG平台，二來自己開了私房菜之後，真係好忙，唔忙的時候又真係好想瞓覺，也都唔想做。我斷斷續續都有寫過一些BLOG，有空的話我會把它們搬過來。為什麼私房菜做得好地地要退休？其實我都唔捨得架，但因為開了私房菜之後沒有時間去旅行及好少煮飯比D哥食，所以舊年佢提出把我私有化，只做他一個人的廚師，終於嫁得出嘞，所以私房菜都要交比人做。 

1月份去了澳門2天遊（二人世界）（稍後補返BLOG文）

2月份去了東京4天遊（陪未來姑仔2公婆）（非常糟糕的經歷，稍後亦會補返BLOG文）

4月份會去大阪5天遊（5位金蘭姐妹）（倒數3星期，已BOOK齊餐廳食好野）

5月份會去台灣環島13天遊（二人世界）（機票酒店READY，尚欠覓食地點）

6月份Family Trip未定行程（一家人）（呢個唔到我話事）

7月份栳檛遊（又係二人世界）（今次D哥負責）

9月好姐妹遊巴黎（煲梗，要睇下攞唔攞到approval先，即係甘，冇approval就自已比，有就有老細比兼可以坐B仔）

10月西班牙，葡萄牙，英國（先二人後探親遊）

11、12月私房菜勁忙，走唔到，現在可以去玩都係把工作交比方生做（佢出年接手），但到呢兩個甘重要的月份，我都係要留守大本營。

而明年就可以真係開始“慢”遊世界系列

1﹣2月新西蘭南北島遊

4﹣5月日本全國遊

7月開始細遊中國，首站是新彊，跟住未諗

我們的計劃是遊了亞洲、太平洋呢邊的國家先，然後才去歐洲，跟住去北美、南美、最終站是南極。

記得”春光乍洩“裡張震的獨白“一九九七年七月一日，我終於來到世界盡頭，這裡是南美洲南面最後一個燈塔，再過去就是南極。突然之間我很想回家，雖然我跟他們的距離很遠，但那刻我的感覺是很近的。”

我想，當我去到那燈塔時，我也想講一句，想回家了，那就回家settle down，開始我在英國的新生活。

之前的我，從未想過人生可以有這麼多的的選擇，原來你相信，就算更平凡的人，也可以有一個精彩的人生，視乎你有沒有自我設限。以前我會覺得自己不值得擁有，所以很多時都頭頭碰著黑，現在帶著愉快的心情去過每一天，原來每一天都是精彩的！

我的廚房故事

原來太耐冇寫野，是會變得唔識寫。

好多次，想重新再寫blog，但總是寫不出字來。

我有一個願望，就是在2015年，出一本書。書名一早想好了，叫做「我的廚房故事」"My Kitchen Story"，內容會是講我為何做了20年文職，在毫無餐飲、廚房行業經驗情況下，竟然放棄一切，開了一間私房菜。當中的過程、經歷、一些私房菜館裡發生的趣事、加上部份私房菜食譜，都會出現在書裡。

私房菜開業8個多月了，由當初手忙腳亂，客人要幫忙到廚房出菜，到了今天仍然只是靠口卑，客人一個傳一個的，做出少少成績來。過程中多少眼淚、多少汗水、多少爭吵、多少挫敗、實在給我人生上了寶貴的一課。

朋友們都很難相信，覺得我實在太幸運。是的，我的運氣是來自身邊好多用實際行動去支持我的家人和好朋友，沒有他們，我一個人是摃不下來的。

我想寫blog去習慣返用文字去記錄，我希望好快可以開始動手寫「我的廚房故事」，有緣的話，希望你地都會是我故事的一部分。

我是EMMA

我是Emma，消失了一段時間，終於在新開的Blog裡開始我人生的另一頁。

我希望好快可以揾返哂之前4年在Yahoo Blog裡認識的Blogger們。你地路過見到我，記得留個言，認番我啊！

謝謝文妮今日在佢靚靚Workshop教我（apple百癡）用MacBook寫我在Blog Spot的第一篇Blog。

講個好消息給大家知道

我終於回復自由了

嘻嘻

不是指回復單身，我仍然同那個成日'gut'住哂的D哥一齊

而是事業上有一個新開始

現在賣個關子先，下篇再講。